top of page
2023.PNG

3 arsye pse nuk po ndryshon dot!

Nëse po lexoni këtë artikull, ka shumë gjasa që të ndiheni të pakënaqur me jetën. Ju mund të mos ndiheni mirë me marrëdhëniet romantike/shoqërore, të ndiheni të ngarkuar nga karriera ose të mos keni frymëzim për asgjë. Megjithatë, pavarësisht përpjekjeve të shumta për të përmirësuar jetën, çdo ditë ndiheni bosh.Shumica e njerëzve duan të ndryshojnë,por e gjejnë veten duke bërë të njëjtën gjë pa pushim.Nëse ndiheni në kurth,nuk jeni vetëm.Këtu janë 3 arsye pse përsëritni të njëjtat sjellje përsëri dhe përsëri...

Nënndërgjegjja kushtëzon sjelljet tuaja, ajo është autopiloti i trurit.


Të gjithë jemi viktima të një piloti automatik. Autopiloti bën që sjelljet tuaja të programohen në mënyrë të pandërgjegjshme për të “shmangur” të gjitha format e dhimbjes, shqetësimit dhe kërcënimit.Ndonëse mendoni se jeni “ju” që merrni vendime, në shumicën e rasteve sjelljet tuaja janë thjesht modele të lidhura në kompjuterin tuaj të brëndshëm.Këto modele bëhen zakone. Kur sjelljet bëhen zakone, kjo do të thotë që ju po i bëni ato pa menduar. Nënndërgjegjja i drejton këto zakone për ju, por kjo vjen me një çmim. Në këtë situatë ju humbisni zgjedhjet e vullnetshme. Vetëm me vetëdije mund të përshtateni dhe të zgjidhni një reagim të ndryshëm në çdo situatë të caktuar. Nëse nuk e dini nëse po funksiononi në autopilot, bëjini vetes këto pyetje: A jeni shpesh të humbur në mendime? A ndjeni shpesh keqardhje për reagimet tuaja emocionale ? A ndiheni të dëshpëruar për ti bërë gjërat ndryshe, por nuk arrini të performoni?


Pranoni se jeni duke shijuar zonën e rehatisë dhe jo ndryshimin e vërtetë.


Kjo është e vështirë për shumë njerëz, sepse mendohet se mjafton të jetosh ne mediokritet për të dashur një ndryshim madhor. Për të kapërcyer zakonet tuaja, duhet të kuptoni se edhe pse i shihni ato si negative, ato ju shërbejnë në shumë mënyra. Nëse funksiononi në autopilot, nuk mund të ndjeni boshllëkun në martesën tuaj, punën që urreni ose shkëputjen që ndjeni me familjen tuaj. Ju ndihmon të kryeni rolet tuaja në këtë botë pa u përballur me ndjenjat që vijnë me to. Ka një rehati të dish saktësisht se si do të shkojë dita jote. Nëse përballeni me realitetin se mund të mos keni performancë të dobët për të mbajtur veten në rehati, i lejoni vetes mundësinë e ndryshimit për të adresuar emocionet limituese që i keni anashkaluar prej kohësh.


Lidhuni me trupin dhe mendjen tuaj.


Nuk ka asnjë shkëputje midis mendjes dhe trupit, por për shumicën e njerëzve ata janë plotësisht të pavetëdijshëm për lidhjen e fuqishme mendje-trup. Për të ndryshuar, ju duhet të punoni qëllimisht që të dyja të jenë në linjë. Kjo duket e ndryshme për çdo person, por do të thotë të zgjedhësh mirëqenien fizike dhe mendore çdo ditë. Mendja ka nevojë për ushqimin e duhur, meditimin, vëmendjen dhe ekzaminimin e mendimeve.

Trupi ka nevojë për aktivitet fizik në çfarëdo forme që ju pëlqen më shumë (yoga, vrap,arerobi,palestër,pilates etj).Duhet të bëni zgjedhje për ti ushqyer të dyja për një periudhë të gjatë kohore. Nëpërmjet kësaj praktike ju zhvilloni intuitën. Trupi juaj do të fillojë t'ju tregojë kur është i lodhur ose kur ka nevojë për më shumë punë. Mendja juaj do t'ju tregojë kur është e stresuar ose kur është në ekuilibër.


Ju keni gjithmonë fuqinë për të bërë zgjedhje të reja.

Artikull nga: Marsida Toptani- Ekonomiste dhe Trajnere Zhvillimit Personal " I AM POWER"


Ju mirëpresim në seminar, për të mësuar, se si ta mbani energjinë pozitive në jetën tuaj dhe ta ndrihmoni veten të ndryshoni.

Apliko për seminar në butonin e mëposhtëm:




91 views0 comments

Comments


321279079_866068484710673_1573109786234773235_n.jpg
bottom of page